Ataatsimeersuarnerit
Tulluusimaarutigaarput ataatsimeersuarnissassi imaluunniit ataatsimiinnissassi tullianut toqqammavinnik asseqanngitsunik neqeroorfigisinnaagatsigit. Narsarsuarmi akunnittarfik qangali ataatsimiinnernut assigiinngitsunut ingerlatsinermik oqaluttuassartaqarpoq. Inuit 45-t tikillugit kattulluni ataatsimiittarfitsinni inissaqartippagut, ataatsimiittarfimmilu nutaami Bluie West One Conference Room-imi inuit 25-t tikillugit inissaqarlutik, aamma eqimattakkaanut init pisariaqartitat naapertorlugit aaqqissuunneqarsinnaapput, soorlu unnuineq nerisaqarnerlu ataatsimeersuarnermut ataatsimoortumut ilaasinnaapput.
Tusarnaarnermut isiginermullu atortorissaarutit, ataatsimeersuarnermi/ataatsimiinnermi mappit, neriffissakkut nerinerit imaluunniit akorninnakkut nerinerit il. il. uagutsinnut nalunaarutigiinnassavatit, taava ataatsimoortumik ilissi pisariaqartitasi naapertorlugit naleqqussaassaagut. Neqeroorummik pisussanngortitsinngitsumik piumallutit atassuteqarfigisigut.
